Solicitamos, de novo, unha entrevista ao conselleiro de Educación

Queremos informarvos que, desde a confederación ANPAS GALEGAS, solicitamos unha entrevista co conselleiro de Educación. O asunto que nos leva a pedir, de novo, esta reunión non é menor, trátase do dereito dun neno á Educación. É lamentable, moi lamentable, que a persoa que está dirixindo a administración educativa galega, teña a insensibilidade de non se presentar a unha xuntanza pedida pola nai dese neno e á que el mesmo a convoca. Dá claramente idea de até que punto certos representantes políticos carecen da conciencia da súa obriga de atención á cidadanía á que deberían servir.

presentación petición reunión conselleiro Educación do 10-11-2015

Facemos especial fincapé en traballar agora mesmo en dúas direccións ao mesmo tempo:

– Atender ás nenas e nenos que agora están enfermos, porque precisan dunha solución inmediata e están actualmente mal atendidos.

– Traballando para mellorar a realidade coa que se van atopar os enfermos futuros, para o que ofrecemos toda a nosa colaboración. É moi importante elaborar unha normativa que estableza dereitos, non intencións, e que fixe cal debe ser a atención necesaria para cada neno ou nena enfermos.