9 de maio, día de Europa
Europa é un bonito soño co que este continente leva tempo deitándose, e unha difícil realidade coa que nos erguemos sempre.
Pero é certo que na mirada da nosa xuventude Europa é unha realidade cotiá, permanente e certa nas súas vidas; porén, debera estar aínda máis presente na realidade educativa, e deberamos ser máis conscientes de que sendo máis galegas seremos máis europeas; porque o soño que representa Europa é o da unidade, e para estar unidas temos que saber quen somos e que pretendemos achegar a ese proxecto común.
