Xornada Medrar En Galego. Allariz, 25 Febreiro
Allariz acollerá o próximo 25 de febreiro a xornada Medrar en galego, organizada pola Mesa pola Normalización Lingüística, o Concello de Allariz, a Deputación de Ourense, o Espazo Ben Común e a Confederación de ANPAS galegas.
O programa de actividades desenvolverase ao longo de todo o día e incluirá obradoiros onde partillar experiencias de éxito e resolución de conflitos, xogos, contos e feira de empresas en galego. Magín Blanco porá o ramo cun concerto de Gatuxo que terá lugar na praza do Concello que, como o resto das actividades, será de acceso libre e gratuíto.
Un programa de actividades para que familias e crianzas se reafirmaren no emprego do galego, mais tamén para debater, contrastar e partillar dúbidas, inquedanzas e as situacións que vivimos día a día.
A participación en todas as actividades é libre e aberta agás nos obradoiros de crianza en galego que contan con límite de capacidade. Para te inscribires preenche o seguinte formulario
