É moi urxente realizar un plan educativo específico para o rural galego
Este sábado 18 de marzo, a Confederación ANPAS GALEGAS lanzou un requirimento social e político: a necesidade urxente de realizar un Plan educativo específico para o rural galego, baseado nun fondo estudo no que argumenta a necesidade necesidade dun cambio do modelo educativo para os colexios do rural porque o que temos non se adapta á realidade e está a incrementar á desigualdade entre o alumnado galego.
Falamos de dereitos, dereito a ter un ensino público de calidade, dereito á igualdade de oportunidades para todas as nenas e nenos galegos independentemente de onde vivan. Falamos tamén da responsabilidade de todas e todos os galegos de manter un rural vivo que é a esencia do noso país e é garante de futuro; falamos das potencialidades e falamos de que é posible revertir a dinámica de despoboación e precariedade de servizos na que nos atopamos se existe vontade política para artellar ese cambio.
A xornada desenvolveuse na Casa das Insuas en Rábade (Lugo), durante a que se presentou o documento por un plan educativo específico para o rural galego, houbo unha rolda de intervencións da man de Fernando Lacaci e Isabel Calvete, presidente e vicepresidenta da Confederación ANPAS Galegas, e despois tivo lugar a charla “A custodia do territorio como ferramenta de xestión para as insuas do Miño e os Pozos do Ollo“, impartida por Martiño Cabana. Continuou a xornada cun xantar colectivo dos participantes, para despois rematar cun concerto do alumnado das Escolas Municipais de Música Mancomunadas dos Concellos de Rábade, Friol, Outeiro de Rei e Begonte.
Esta iniciativa contou coa colaboración do Concello de Rábade e a Asociación Galega de Custodia do Territorio.
Podedes consultar o documento elaborado por ANPAS GALEGAS por un plan educativo específico para o rural galego nesta ligazón ou aquí:
4 respostas
[…] pasado sábado 6 de maio celebrouse na Picota (Mazaricos) unha xornada para presentar o documento Por un plan educativo específico para o rural, organizada por ANPAS Galegas en colaboración coa Federación Provincial de ANPAS da Coruña […]
[…] a espallar a necesidade de que o rural conte cun plan educativo de seu. A próxima cita será no Centro Socio Cultural Recreativo de Cabeiro (Redondela) o vindeiro […]
[…] isto foi un paso na difusión do noso Plan Específico de Ensino para o rural galego, unha iniciativa que presentamos a principios deste ano 2023, e que continuaremos con outras accións futuras porque é unha intencionalidade permanente: a de […]
[…] Precisamos dun Plan integral para o mundo rural galego, non só no que atinxe ao Ensino Público, senón para preservar e defender un lugar onde ese Ensino poida desenvolverse, e para que as persoas que estuden e vivan no rural non o fagan coa conciencia de teren que abandonalo en canto cheguen a secundaria ou, como moi tarde, ao bacharelato. O rural ten que ser un lugar para vivir e medrar, para ter fillos-as e ter a certeza de que eles-as van ter a posibilidade de ter alí a súa vida. Sobre este tema xa traballamos moitas veces, achegamos un traballo, moito máis desenvolvido que es… […]