Nova sección de recursos para ANPAS
Tes dúbidas sobre como funciona unha ANPA?, pois ímonos axudar entre todas.
Nós damos o primeiro paso: aquí tes un novo recurso na nosa web, as respostas ás preguntas máis frecuentes no noso mundo, dende como nomear á representante da anpa no consello escolar, ata como asociarse a unha Federación, ou cales son os límites das doazóns que podemos facer. Pero tamén incorporamos a opción de que ti fagas máis preguntas, e comprometémonos a respondelas con rapidez. E se a túa pregunta é de interese xeral, incorporarémola ás que xa temos, e así iremos facendo un corpo cada vez máis grande de preguntas e respostas.
É importante aprender como funciona este sector, e non deixarnos guiar sempre polo que “se viña facendo”, porque moitas veces herdamos erros, case sempre ben intencionados, pero igualmente erros. E ter un lugar ao que recorrer vainos evitar a todas continuar cometéndoos. Ah!, e se ves que dicimos algo que non che soe ben, dínolo e revisamos. Que os erros están no peto de todas, e o caso non é non telos senón saber corrixilos.
