DIXITALIZACIÓN DA ESCOLA E EDIXGAL. INFORME.

Ante as inquedanzas que tiñan as familias sobro o uso do EDIXGAL, dende a Confederación ANPAS GALEGAS realizamos unha enquisa para coñecer o seu punto de vista sobre o uso dos recursos educativos dixitais na escola e o papel que estes deben xogar na educación das crianzas e, para identificar, en aquelas familias que empregan EDIXGAL, o uso que se está a facer do programa e coñecer a valoración que as nais e pais fan do mesmo.

Convidamos a participar a todas as nais, pais e titoras/es legais do alumnado que estivera estudando en centros públicos durante o curso 2023-2024 dende o segundo ciclo de educación infantil ata bacharelato recollendo 3893 cuestionarios validos de familias das catro provincias; un tamaño de mostra que permite tomar os resultados como un indicativo importante das valoracións e puntos de vista das familias do alumnado do ensino público galego sobre este tema.

A continuación poderedes acceder o informe e descargar unha copia para que poidades ter unha idea clara de cal é o sentir das familias.