Se o colexio non pode aceptalo, a ANPA tampouco pode darllo.

Non é labor das ANPAs financiar aos centros escolares, o Ensino é gratuíto, e iso implica que deben ser as Administracións Públicas quen fornezan aos centros escolares de todo o que precisen, e se non o fan, ou se o fan insuficientemente, o labor da ANPA será reclamar, xunto co propio centro de ser o caso, que se dote ao centro co financiamento axeitado, non substituír á administración incompetente.