Habería que facer unha dilixencia nos libros (un apunte) que indicara o que pasou, un modelo podería ser:
A xunta directiva da ANPA ————-, escolleita na Asemblea Xeral celebrada o día ———–, recibiu / iniciou este libro sen que o mesmo tivera toda a información que faría posíbel a súa continuidade, polo que a partir desta data reiníciase, incorporando a información recuperábel nos arquivos da asociación / comezándoo dende este momento, para cumprir a normativa vixente en canto á transparencia de datos desta Asociación. (Asinado polas persoas que ocupen a presidencia e a secretaría como mínimo)
O que importa é que quede claro o que se atopou e a intención de continuar a partir da data de nomeamento da nova directiva. Por unha parte é para limitar responsabilidades ao voso período de traballo; pero por outra tamén é para deixar información, e que non veñan detrás outras persoas que volvan tentar buscar o que non existe.
