Hai que estar ao proxecto presentado cando se aprobou a xornada continuada. No proceso de solicitude o centro tivo que presentar un “Plan específico de actividades extraescolares”, nese plan indicarase que actividades se desenvolverán pola tarde e como se tratarán, porque pode ser que se realicen de acordo coa ANPA.

Pero a propia orde que establece o procedemento de implantación da xornada continua di:

 “Con independencia da participación ou non do profesorado na organización e desenvolvemento das actividades extraescolares, nos horarios do profesorado estableceranse pola tarde dúas horas complementarias fixas para garantir a coordinación do profesorado a través das reunións de departamento, equipos de ciclo e, se é o caso, de nivel e as titorías dos pais, ademais de quendas de supervisión das devanditas actividades extraescolares”. (apartado terceiro da Orde de 29-05-208)

Ou sexa, si que ten que haber profesorado pola tarde, pero haberá que estar ao establecido no plan específico para coñecer cales teñen que ser as súas funcións.