Esta pregunta trasladámoslla á consellaría de Educación, e a súa resposta resumida é a seguinte: “A normativa non contempla a designación de suplentes para ningún dos membros do Consello Escolar, de modo que entendemos que resulta incompatible a designación dunha persoa suplente ou substituta, no caso de imposibilidade de asistencia ás reunións do Consello Escolar por algún dos seus membros”.

Outra cousa é que a ANPA ten o dereito a cambiar a súa representación no Consello Escolar cando así decida facelo, pero isto tamén o responde a consellaría: “Por ultimo, respecto do representante do concello, enténdese aplicable o número 4 do citado artigo 17  (LOFAXGA) e, polo tanto, o concello respectivo poderá substituír o seu membro titular por outro acreditando o seu nomeamento ante a secretaría do Consello Escolar. Este artigo tamén resulta aplicable á persoa proxenitora elixida pola asociación de nais e pais máis representativa do centro. É preciso recordar que este nomeamento non pode ser puntual ou para unha reunión ou reunións específicas.

Ou sexa, a representación da ANPA pode cambiarse cando se queira, comunicándoo á secretaría do Consello Escolar, pero son cambios permanentes, non ocasionais, e non deben utilizarse con ese criterio.