Non é unha práctica correcta por parte da dirección do centro a de facilitar a listaxe de alumnado do centro, e dependendo de que datos inclúa esa información mesmo pode ser contraria á normativa de protección de datos.
Realmente a ANPA ten que ter as súas propias bases de datos e ter establecido un procedemento para actualizalas. E non porque ter absolutamente ningún dato das persoas que non sexan socias.
Isto provoca sempre algún desaxuste, sobre todo no que ten que ver coas baixas por abandono do centro, que normalmente as familias non comunican. A solución a este pequeno problema é variada, pero basicamente pode ser algo tan sinxelo como supoñer que o alumnado do último curso abandonou o centro, e simplemente preguntarlle ao centro se hai persoas que repitan ese último curso.
En canto ás novas incorporacións ao centro escolar, iso xa é competencia absoluta da ANPA, se queren inscribirse teremos os seus datos, e se non queren, non os teremos nin saberemos nada delas.